dafnaa diyaa gayaa mujhe chaandi ki qabr mein — Anjum Rehbar

tujh ko duniyaa ke saath chalnaa hai
tu mire saath chal na paaegaa

milnaa thaa ittifaaq bichhaDnaa nasib thaa
vo utni duur ho gayaa jitnaa qarib thaa

kuchh din se zindagi mujhe pahchaanti nahin
yuun dekhti hai jaise mujhe jaanti nahin

sach baat maan lijiye chehre pe dhuul hai
ilzaam aainon pe lagaanaa fuzul hai

maan mujhe dekh ke naaraaz na ho jaae kahin
sar pe aanchal nahin hotaa hai to Dar hotaa hai

'anjum' tumhaaraa shahr jidhar hai usi taraf
ik rail jaa rahi thi ki tum yaad aa gae

sabhi se jab mohabbat chaahte ho
mohabbat kyon nahin karte sabhi se

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

mohabbat karne vaale dard mein tanhaa nahin hote
jo ruThoge kabhi mujh se to apnaa dil dukhaaoge

chaahtaa huun phunk duun is shahr ko
shahr mein in kaa bhi ghar hai kyaa karun

kyaa koi mohabbat mein yuun bhi benaam-o-nishaan ho jaataa hai
main huun ki abhi tak zinda huun duniyaa hai ki bhuli jaati hai

idhar aa ham dikhaate hain ghazal kaa aaina tujh ko
ye kis ne kah diyaa gesu tire barham nahin pyaare