ki ik nazar ki tuur saraapaa jalaa diyaa — Arif Batalvi

zindagi phaili hui thi shaam-e-hijraan ki tarah
kis ko itnaa hausla thaa kaun ji kar dekhtaa

himmat kahaan se laaun ki taa'bir kar sakun
kal raat khvaab dekh rahaa thaa ki khush huun main

vaqt khush khush kaaTne kaa mashvara dete hue
ro paDaa vo aap mujh ko hausla dete hue

baDe hausle the pahle baDe valvale the pahle
jo amal kaa vaqt aayaa hue aap nau-do-gyaaraa

naa-umidi harf-e-tohmat hi sahi kyaa kijiye
tum qarib aate nahin ho aur khudaa miltaa nahin

tiraa khayaal de gayaa hai aasraa kahin kahin
tiraa firaaq hausle baDhaa gayaa kabhi kabhi