naa-umidi harf-e-tohmat hi sahi kyaa kijiye — Akhtar Saeed Khan

kaun jiine ke liye martaa rahe
lo sambhaalo apni duniyaa ham chale

kis ko fursat thi ki 'akhtar' dekhtaa meri taraf
main jahaan jis bazm mein jab tak rahaa tanhaa rahaa

band rakkhoge dariche dil ke yaaro kab talak
koi dastak de rahaa hai uTh ke dekho to sahi

charaagh le ke use DhunDne chalaa huun main
jo aaftaab ki maanind ik ujaalaa hai

bahut qarib rahi hai ye zindagi ham se
bahut aziiz sahi e'tibaar kuchh bhi nahin

tu kahaani hi ke parde mein bhali lagti hai
zindagi teri haqiqat nahin dekhi jaati

ye hausla bhi kisi roz kar ke dekhungi
agar main zakhm huun us kaa to bhar ke dekhungi

saraa-e-ishq mein baiThe hue hain dil vaale
aur ek aakhiri tohmat ke intizaar mein hain

ik lahar us ki aankh mein hai hausla-shikan
ik rang us ke chehre pe bahkaane vaalaa hai

hazaaron tamannaaon ke khuun se ham ne
kharidi hai ik tohmat-e-paarsaai

dil-e-sarshaar miraa chashm-e-siyah-mast tiri
jazba Takraa de na paimaane se paimaane ko

mushkil kaa saamnaa ho to himmat na haariye
himmat hai shart saahib-e-himmat se kyaa na ho