halqa-e-dil se na niklo ki sar-e-khucha-e-khaak — Arshad Abdul Hamid

miraa hi siina kushaada hai chaahaton ke taiin
tufang-e-dard miraa hi nishaanaa chaahti hai

ye duniyaa akbar zulmon ki ham majburi ki anaarkali
ham divaaron ke biich mein hain ham nargha-e-jabr-o-jalaal mein hain

gham-e-jahaan o gham-e-yaar do kinaare hain
udhar jo Duube vo aksar idhar nikal aae

ishq marhun-e-hikaayaat-o-gumaan bhi hogaa
vaaqia hai to kisi taur bayaan bhi hogaa

ye intizaar nahin shama hai rifaaqat ki
is intizaar se tanhaai khub-surat hai

zamin ke paas kisi dard kaa ilaaj nahin
zamin hai ki mire ahd ki siyaasat hai

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

hikaayat-e-ishq se bhi dil kaa ilaaj mumkin nahin ki ab bhi
firaaq ki talkhiyaan vahi hain visaal ki aarzu vahi hai

ye sach hai mil baiThne ki had tak to kaam aai hai khush-gumaani
magar dilon mein ye dosti ki numud hai raahat-e-bayaan se

kashti bhi nahin badli dariyaa bhi nahin badlaa
aur Dubne vaalon kaa jazba bhi nahin badlaa

mohabbat ki gavaahi apne hone ki khabar le jaa
jidhar vo shakhs rahtaa hai mujhe ai dil! udhar le jaa