ye intizaar nahin shama hai rifaaqat ki — Arshad Abdul Hamid

halqa-e-dil se na niklo ki sar-e-khucha-e-khaak
aish jitne hain isi kunj-e-kam-aasaar mein hain

miraa hi siina kushaada hai chaahaton ke taiin
tufang-e-dard miraa hi nishaanaa chaahti hai

ye duniyaa akbar zulmon ki ham majburi ki anaarkali
ham divaaron ke biich mein hain ham nargha-e-jabr-o-jalaal mein hain

gham-e-jahaan o gham-e-yaar do kinaare hain
udhar jo Duube vo aksar idhar nikal aae

ishq marhun-e-hikaayaat-o-gumaan bhi hogaa
vaaqia hai to kisi taur bayaan bhi hogaa

zamin ke paas kisi dard kaa ilaaj nahin
zamin hai ki mire ahd ki siyaasat hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

ajal bhi Tal gai dekhi gai haalat na aankhon se
shab-e-gham mein musibat si musibat ham ne jheli hai

bahaar dard bharaa iqtibaas chhoD gai
har ik shajar kaa badan be-libaas chhoD gai

dasht ki naa-tamaam raahon par
koi saathi hai to shajar tanhaa