mohabbat ki gavaahi apne hone ki khabar le jaa — Ghulam Mohammad Qasir

baghair us ke ab aaraam bhi nahin aataa
vo shakhs jis kaa mujhe naam bhi nahin aataa

pyaar gayaa to kaise milte rang se rang aur khvaab se khvaab
ek mukammal ghar ke andar har tasvir adhuri thi

is tarah qaht-e-havaa ki zad mein hai meraa vajud
aandhiyaan pahchaan leti hain ba-aasaani mujhe

saayon ki zad mein aa gaiin saari ghulaam-gardishein
ab to kaniz ke liye raah-e-faraar bhi nahin

aayaa hai ik raah-numaa ke istiqbaal ko ik bachcha
peT hai khaali aankh mein hasrat haathon mein gul-dasta hai

pahle ik shakhs meri zaat banaa
aur phir puuri kaaenaat banaa

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

yuun agar jhagDaa mohabbat kaa chuke to khuub hai
ham ziyaada chaahein vo ai 'mehr' kam chaahaa karein

ik mohabbat hi pe mauquf nahin hai 'taabish'
kuchh baDe faisle ho jaate hain naadaani mein

apne hamraah jo aate ho idhar se pahle
dasht paDtaa hai miyaan ishq mein ghar se pahle

gham-e-ishq mein kaari davaa na duaa ye hai rog kaThin ye hai dard buraa
ham karte jo apne se ho saktaa kabhi ham se bhi kuchh na kahaa tum ne