ye duniyaa akbar zulmon ki ham majburi ki anaarkali — Arshad Abdul Hamid

halqa-e-dil se na niklo ki sar-e-khucha-e-khaak
aish jitne hain isi kunj-e-kam-aasaar mein hain

miraa hi siina kushaada hai chaahaton ke taiin
tufang-e-dard miraa hi nishaanaa chaahti hai

gham-e-jahaan o gham-e-yaar do kinaare hain
udhar jo Duube vo aksar idhar nikal aae

ishq marhun-e-hikaayaat-o-gumaan bhi hogaa
vaaqia hai to kisi taur bayaan bhi hogaa

ye intizaar nahin shama hai rifaaqat ki
is intizaar se tanhaai khub-surat hai

zamin ke paas kisi dard kaa ilaaj nahin
zamin hai ki mire ahd ki siyaasat hai

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

ai zindagi junun na sahi be-khudi sahi
tu kuchh bhi apni aql se paagal uThaa to laa

ham kahaan aur tum kahaan jaanaan
hain kai hijr darmiyaan jaanaan

hamein shikva nahin ik dusre se
manaanaa chaahiye is par khushi kyaa

jaisaa ji mein aae vaisaa kar jaanaa
itnaa bhi aasaan nahin hai mar jaanaa