rok do ye raushni ki tez dhaar — Nomaan Shauque

is baar intizaam to sardi kaa ho gayaa
kyaa haal peD kaTte hi basti kaa ho gayaa

vo saanp jis ne mujhe aaj tak Dasaa bhi nahin
tamaam zahr sukhan mein mire usi kaa hai

phir is mazaaq ko jamhuriyat kaa naam diyaa
hamein Daraane lage vo hamaari taaqat se

apni aahaT pe chaunktaa huun main
kis ki duniyaa mein aa gayaa huun main

vo tanz ko bhi husn-e-talab jaan khush hue
ulTaa paDhaa gayaa, miraa paighaam aur thaa

bas tire aane ki ik afvaah kaa aisaa asar
kaise kaise log the bimaar achchhe ho gae

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

shor din ko nahin sone detaa
shab ko sannaaTaa jagaa detaa hai

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

sunaa haal-e-dil-e-'majruh' shab ko
koi hasrat si hasrat thi bayaan mein

yaad karte hain tujhe dair-o-haram mein shab-o-roz
ahl-e-tasbih judaa saahib-e-zunnaar judaa

khushbuon kaa nuzul hotaa thaa
pahle pattaa bhi phuul hotaa thaa