jo sazaa diije hai bajaa mujh ko — Asar Lakhnavi

palkein ghaneri gopiyon ki Toh liye hue
raadhaa ke jhaankne kaa jharoka ghazab ghazab

aaj kuchh mehrbaan hai sayyaad
kyaa nasheman bhi ho gayaa barbaad

karam par bhi hotaa hai dhokaa sitam kaa
yahaan tak alam-aashnaa ho gae ham

baat khote jo iltijaa karte
ai dil-e-naa-muraad kyaa karte

sanaa teri nahin mumkin zabaan se
maaani duur phirte hain bayaan se

qaasid payaam un kaa na kuchh der abhi sunaa
rahne de mahv-e-lazzat-e-zauq-e-khabar mujhe

'ehsaan' aisaa talkh javaab-e-vafaa milaa
ham is ke baa'd phir koi armaan na kar sake

dil ki dharti par vafaa kaa moajiza rakkhaa gayaa
phir dilon ke darmiyaan kyuun faasla rakkhaa gayaa

pareshaan hai vo jhuTaa ishq kar ke
vafaa karne ki naubat aa gai hai

hamein bhi aa paDaa hai doston se kaam kuchh yaani
hamaare doston ke bevafaa hone kaa vaqt aayaa

ab dilon mein koi gunjaaish nahin milti 'hayaat'
bas kitaabon mein likkhaa harf-e-vafaa rah jaaegaa

maujud mere dil mein jo zakhmon ke daagh hain
vo ek bevafaa ke sitam ke charaagh hain