is ek baat se gulchin kaa dil dhaDaktaa hai — Asghar Saleem

jise kabhi sar-e-mimbar na kah sakaa vaaiz
vo baat ahl-e-junun zer-e-daar kahte hain

ghubaar saa hai sar-e-shaakh-saar kahte hain
chalaa hai qaafila-e-nau-bahaar kahte hain

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

kuchh is tarah se luTi hai mataa-e-dida-o-dil
ki ab kisi se bhi zikr-e-vafaa nahin karte

thaa mast baandhne mein vo tamhid-e-zakhm-e-dil
siine ke ik shigaaf pe ungli dhare hue

saari duniyaa se alag vahshat-e-dil hai apni
ye ki lagti hai na ghar ki na bayaabaan vaali