ghubaar saa hai sar-e-shaakh-saar kahte hain — Asghar Saleem

jise kabhi sar-e-mimbar na kah sakaa vaaiz
vo baat ahl-e-junun zer-e-daar kahte hain

is ek baat se gulchin kaa dil dhaDaktaa hai
ki ham sabaa se hadis-e-bahaar kahte hain

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

kahaan milegi misaal meri sitamgari ki
ki main gulaabon ke zakhm kaanTon se si rahaa huun

miri majburiyon ne naazuki kaa khuun kar Daalaa
har ik gobhi-badan ko gul-badan likhnaa paDaa mujh ko

main duur thaa to apne hi chehre pe mal liyaa
is zindagi ke haath mein jitnaa gulaal thaa

jashn-e-bahaar-e-nau hai nasheman ki khair ho
uTThaa hai kyuun chaman mein dhuaan raushni ke saath