mujh ko khvaabon ke baagh mein laa kar — Asima Tahir

nahin vo itnaa bhi paagal nahin thaa
jo mar jaataa miri vaabastagi mein

mire vajud ke andar hai ik qadim makaan
jahaan se main ye udaasi udhaar leti huun

khvaab kaa intizaar khatm huaa
aankh ko niind se jagaate hain

ham ne jab haal-e-dil un se apnaa kahaa
vo bhi qissa kisi kaa sunaane lage

shahzaadi ke kaanon mein jo baat kahi thi ik tu ne
baad tire vo baat tire hi afsaanon mein gunjti hai

Dubne ki na tairne ki khabar
ishq-dariyaa mein bas utar dekhun

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

charaagh ki thartharaati lau mein har os qatre mein har kiran mein
tumhaari aankhein kahaan nahin thiin tumhaaraa chehra kahaan nahin thaa

shor din ko nahin sone detaa
shab ko sannaaTaa jagaa detaa hai

vo ek raat to mujh se alag na soegaa
huaa jo lazzat-e-bos-o-kanaar se vaaqif

aalam-e-piri mein kyaa mu-e-siyah kaa eatibaar
subh-e-saadiq deti hai jhuTi gavaahi raat ki