saare dil ek se nahin hote — Aslam Farrukhi

raushni ho rahi hai kuchh mahsus
kyaa shab aakhir tamaam ko pahunchi

na dekh mujh ko mohabbat ki aankh se ai dost
miraa vajud miraa muddaaa na ho jaae

koi manzil nahin baaqi hai musaafir ke liye
ab kahin aur nahin jaaegaa ghar jaaegaa

hangaama-e-hasti se guzar kyuun nahin jaate
raste mein khaDe ho gae ghar kyuun nahin jaate

aag si lag rahi hai siine mein
ab mazaa kuchh nahin hai jiine mein

main baDaa ho gayaa huun magar bachpanaa
mere dil se kabhi bhi gayaa hi nahin

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

dil-e-haris hi apnaa na ho sakaa qaane
vagarna tere karam mein to kuchh kami na rahi

main badalte hue haalaat mein Dhal jaataa huun
dekhne vaale adaakaar samajhte hain mujhe

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh