naqd-e-dil-e-khaalis kuun miri qalb tuun mat jaan — Siraj Aurangabadi

chali samt-e-ghaib siin kyaa havaa ki chaman zuhur kaa jal gayaa
magar ek shaakh-e-nihaal-e-gham jise dil kaho so hari rahi

masjid abru mein teri mardumuk hai jiyun imaam
mu-e-mizhgaan muqtadi ho mil ke karte hain namaaz

aa shitaabi siin vagarna majlis-e-ushshaaq mein
zulm hai gham hai qayaamat hai kharaabi ai sanam

roza-daaraan-e-judaai kuun kham-e-abru-e-yaar
maah-e-id-e-ramazaan thaa mujhe maalum na thaa

hamaari baat mohabbat siin tum jo gosh karo
to apni prem kahaani tumhein sunaaungaa

haq mein ushshaaq ke qayaamat hai
kyaa karam kyaa itaab kyaa dushnaam

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

ghussa aataa hai pyaar aataa hai
ghair ke ghar se yaar aataa hai

sunte hain ishq naam ke guzre hain ik buzurg
ham log bhi faqir usi silsile ke hain

tamaam vahm o gumaan hai to ham bhi dhoka hain
isi khayaal se duniyaa ko main ne pyaar kiyaa

tum chitaa in ki jalaao na karo dafn inhein
pyaar ke khat hain ye hindu yaa musalmaan nahin