ham gardish-e-girdaab-e-alam se nahin Darte — Athar Raz

girti hui divaar kaa saaya thaa tiraa saath
phir bhi tiri baahon se judaa the to hamin the

yuun tasavvur mein dabe paanv tiri yaad aai
jis tarah shaam ki baanhon mein sitaare aae

koi sannaaTaa saa sannaaTaa hai
kaash tufaan uThaa de koi

baazaar jahaan mein koi khvaahaan nahin teraa
le jaaein kahaan ab tujhe ai jins-e-vafaa ham

baDe baa-vafaa the mire yaar sab
musibat mein jab tak pukaaraa na thaa

qimat-e-jins-e-vafaa nim-nigaahi tauba
aisi baatein na karein aap ki saudaa na bane

bevafaai kaa mujhe ilzaam detaa thaa vo shakhs
main ne bhi itnaa kiyaa bas us ko sachchaa kar diyaa

kyuun mujrim-e-vafaa se hain ye bad-gumaaniyaan
kyuun Dar rahe hain purshish-e-roz-e-jazaa se aap