bevafaai kaa mujhe ilzaam detaa thaa vo shakhs — Siraj Alam Zakhmi

toDe baghair sang taraashe na jaaeinge
vo dil hi kyaa jo TuuT ke patthar na ho sake

dil mein tufaan nahin aankh mein sailaab nahin
aise jiine se to behtar thaa ki mar hi jaate

koi shikva koi gila de de
mujh ko jiine kaa hausla de de

itnaa na duur jaao ki jiinaa muhaal ho
yuun bhi na paas aao ki dam hi nikal paDe

khud ko bachaaun jism sambhaalun ki ruuh ko
bikhraa huaa hai dard yahaan se vahaan talak

vo itni shiddaton se sochtaa hai
ki jaise main bhi koi masala huun

miri ghazal mein kisi bevafaa kaa zikr na thaa
na jaane kaise tiraa tazkira nikal aayaa

subh-dam zulfein na yuun bikhraaiye
log dhokaa khaa rahe hain shaam kaa

koi masrufiyat hogi vagarna maslahat hogi
na is paimaan-faraamoshi se us ko bevafaa kahnaa

detaa rahaa fareb-e-musalsal koi magar
imkaan-e-iltifaat se ham khelte rahe

bevafaa logon mein rahnaa tiri qismat hi sahi
in mein shaamil main tiraa naam na hone dungaa

khud vo karte hain jise ahd-e-vafaa se taabir
sach to ye hai ki vo dhokaa bhi mujhe yaad nahin