tum bahr-e-mohabbat ke kinaare pe khaDe the — Azhar Naiyyar

thi us ki band muTThi mein chiTThi dabi hui
jo shakhs thaa train ke niche kaTaa huaa

chaahaa hai jis kaa saaya shajar vo babul hai
qismat mein mere aaj bhi saDkon ki dhuul hai

dil khaak huaa pyaar ki is aag mein jal kar
aur jhaank ke us ne kabhi andar nahin dekhaa

ba-vaqt-e-shaam samundar mein gir gayaa suraj
tamaam din ki thakan se niDhaal aisaa thaa

sabhi se jab mohabbat chaahte ho
mohabbat kyon nahin karte sabhi se

kisi se ishq apnaa kyaa chhupaaein
mohabbat Tapki paDti hai nazar se

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

husn jalva dikhaa gayaa apnaa
ishq baiThaa rahaa udaas kahin

main to suntaa huun tumhein bhi hai mohabbat mujh se
sach kaho tum ko mire sar ki qasam hai ki nahin