laD rahaa huun main akelaa kaar-zaar-e-hast mein — Badr Muneer

muskuraa kar agar vo dekhe to
aaine par nishaan paD jaae

kunj-e-hairat se chale dasht-e-ziyaan tak laae
kaun laa saktaa hai ham dil ko jahaan tak laae

ek ummid ke sahaare par
kitni taakhir dekh lete hain

kyaa khabar kaun saa rasta tiri jaanib nikle
be-iraada bhi kai baar safar karte hain

be-chehra insaanon ki is basti mein
achchhaa hai aaine toD diye jaaein

paD jaate hain kitne chhaale haathon mein
aate hain phir chand nivaale haathon mein

khalq be-parvaa khudaa bandon se tang aayaa huaa
main akelaa phir rahaa huun hashr ke maidaan mein

chaman kharaab kiyaa, ho khizaan kaa khaana-kharaab
na gul rahaa hai na bulbul hai baaghbaan tanhaa

nazar aataa nahin ab ghar mein vo bhi uf re tanhaai
ik aaine mein pahle aadmi thaa meri surat kaa

tum to ai khushbu havaao us se mil kar aa gaiin
ek ham the zakhm-e-tanhaai haraa karte rahe

ab TuTne hi vaalaa hai tanhaai kaa hisaar
ik shakhs chikhtaa hai samundar ke aar-paar

dil ki dhaDkan bhi baDi chiiz hai tanhaai mein
teri khoi hui aavaaz sunaa karte hain