kunj-e-hairat se chale dasht-e-ziyaan tak laae — Badr Muneer

muskuraa kar agar vo dekhe to
aaine par nishaan paD jaae

ek ummid ke sahaare par
kitni taakhir dekh lete hain

kyaa khabar kaun saa rasta tiri jaanib nikle
be-iraada bhi kai baar safar karte hain

laD rahaa huun main akelaa kaar-zaar-e-hast mein
kar faraaham tu bhi zaalim apne hone kaa javaaz

be-chehra insaanon ki is basti mein
achchhaa hai aaine toD diye jaaein

paD jaate hain kitne chhaale haathon mein
aate hain phir chand nivaale haathon mein

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

kabhi ishq saaz-e-hayaat thaa kabhi soz-e-dil ne jalaa diyaa
kabhi vasl mein bhi kasak rahi kabhi dard-o-gham ne bhi mazaa diyaa

main badaltaa huun roz apnaa hadaf
ye miri mustaqil-mizaaji hai

furqat mein kaar-e-vasl liyaa vaah vaah se
har aah-e-dil ke saath ik armaan nikal gayaa

filfil-e-khaal-e-malaahat ke tasavvur mein tire
charcharaahaT hai kabaab-e-dil-e-biryaan mein kyaa