main hi ghamgin nahin tark-e-taalluq pe 'kamaal' — Bagh Husain Kamal

main bhi gum-sum thaa koi baat na karne paayaa
us ke honTon pe bhi jaise koi pahraa dekhaa

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

tere naghmon se hai rag rag mein tarannum paidaa
ishrat-e-ruh hai zaalim tiri aavaaz nahin

pahli si lazzatein nahin ab dard-e-ishq mein
kyuun dil ko main ne zulm kaa khugar banaa diyaa