tere haathon mile agar murshid — Amjad Khan Tajwana

log logon se dosti kar ke
kitnaa saste mein bech dete hain

niind ke ghar mein hain khvaab aane lage
'ishq hai naachtaa aankh ke sahn mein

munh kabhi ham ne apnon se moDaa nahin
shahr mein bas ke bhi gaanv chhoDaa nahin

'ishq dariyaa mein jab se bahne lagaa
mauj-dar-mauj she'r kahne lagaa

kisi na kisi zaabte mein rahe hain
bichhaD kar bhi ham raabte mein rahe hain

ek lambi khaamushi thi chaar-su
ek duuje ke the jab ham ru-baru

sunte hain ishq naam ke guzre hain ik buzurg
ham log bhi faqir usi silsile ke hain

shaikh mujh ko na Daraa apni musalmaani thaam
ham faqiron kaa kisi rang se imaan na jaae

hakim o aarif o suufi tamaam mast-e-zahur
kise khabar ki tajalli hai ain-e-masturi

harba hai aashiqon kaa faqat aah-e-pechdaar
darvesh log rakhte hain jaise hiran ki shaakh

vaan laal phaDaktaa hai amiron ke qafas mein
yaan faakhta haq-go hai faqiron ke qafas mein

ye jo hain ahl-e-riyaa aaj faqiron ke biich
kal gineinge humaqaa un hi ko piron ke biich