pyaar hi pyaar hai sab log baraabar hain yahaan — Bashir Badr

na tum hosh mein ho na ham hosh mein hain
chalo mai-kade mein vahin baat hogi

bhuul shaayad bahut baDi kar li
dil ne duniyaa se dosti kar li

ik shaam ke saae tale baiThe rahe vo der tak
aankhon se ki baatein bahut munh se kahaa kuchh bhi nahin

khudaa aise ehsaas kaa naam hai
rahe saamne aur dikhaai na de

hasin to aur hain lekin koi kahaan tujh saa
jo dil jalaae bahut phir bhi dilrubaa hi lage

khudaa ki itni baDi kaaenaat mein main ne
bas ek shakhs ko maangaa mujhe vahi na milaa

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

lazzat-e-dard-e-mohabbat jo numaayaan ho jaae
har farishte ko ye hasrat ho ki insaan ho jaae

zamin-e-dil pe mohabbat ki aab-yaari ko
bahut hi TuuT ke barsi ghaTaa udaasi ki

dil-e-tabaah mein aabaad hai zamaane se
ik aisi baat jo khulti hai muskuraane se

aain-e-ishq yuun bhi badalnaa thaa ek din
jo baat vasl se thi vo ab guftugu se hai