raat kaa intizaar kaun kare — Bashir Badr

na tum hosh mein ho na ham hosh mein hain
chalo mai-kade mein vahin baat hogi

sar jhukaaoge to patthar devtaa ho jaaegaa
itnaa mat chaaho use vo bevafaa ho jaaegaa

ujaale apni yaadon ke hamaare saath rahne do
na jaane kis gali mein zindagi ki shaam ho jaae

jis din se chalaa huun miri manzil pe nazar hai
aankhon ne kabhi miil kaa patthar nahin dekhaa

koi haath bhi na milaaegaa jo gale miloge tapaak se
ye nae mizaaj kaa shahr hai zaraa faasle se milaa karo

koi phuul saa haath kaandhe pe thaa
mire paanv shoalon pe jalte rahe

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

pyaaso raho na dasht mein baarish ke muntazir
maaro zamin pe paanv ki paani nikal paDe

be-khudi le gai kahaan ham ko
der se intizaar hai apnaa

phunkaa hai kis ne gosh-e-mohabbat mein ai khudaa
afsun-e-intizaar tamannaa kahein jise

ishq kachche ghaDe pe Duub gayaa
lamha jab intizaar kaa aayaa

ghazab kiyaa tire vaade pe e'tibaar kiyaa
tamaam raat qayaamat kaa intizaar kiyaa