ho gayaa charkh-e-sitamgar kaa kaleja ThanDaa — Bedil Haidari

ham tum mein kal duuri bhi ho sakti hai
vajh koi majburi bhi ho sakti hai

kahin intihaa ki malaamatein kahin pattharon se aTi chhatein
tire shahr mein mire baa'd ab koi sar-phiraa nahin aaegaa

jitnaa hangaama ziyaada hogaa
aadmi utnaa hi tanhaa hogaa

khol chehron pe chaDhaane nahin aate ham ko
gaanv ke log hain ham shahr mein kam aate hain

bhuuk chehron pe liye chaand se pyaare bachche
bechte phirte hain galiyon mein ghubaare bachche

garmi lagi to khud se alag ho ke so gae
sardi lagi to khud ko dobaara pahan liyaa

mujid jo nuur kaa hai vo meraa charaagh hai
parvaana huun main anjuman-e-kaaenaat kaa

ishq thaa donon ko fitrat mukhtalif thi
vo bhaTaktaa hi rahaa aur ruk gai main

mauj-e-tufaan se nikal kar bhi salaamat na rahe
nazr-e-saahil hue dariyaa ke shanaavar kitne

dekho aisaa ajab musaafir phir kab lauT ke aataa hai
dariyaa us ko rasta de kar aaj talak pachhtaataa hai

pahaaD bhaanp rahaa thaa mire iraade ko
vo is liye bhi ki tesha mujhe uThaanaa thaa

ye kaaenaat mire saamne hai misl-e-bisaat
kahin junun mein ulaT duun na is jahaan ko main