jitnaa hangaama ziyaada hogaa — Bedil Haidari

ham tum mein kal duuri bhi ho sakti hai
vajh koi majburi bhi ho sakti hai

kahin intihaa ki malaamatein kahin pattharon se aTi chhatein
tire shahr mein mire baa'd ab koi sar-phiraa nahin aaegaa

khol chehron pe chaDhaane nahin aate ham ko
gaanv ke log hain ham shahr mein kam aate hain

bhuuk chehron pe liye chaand se pyaare bachche
bechte phirte hain galiyon mein ghubaare bachche

garmi lagi to khud se alag ho ke so gae
sardi lagi to khud ko dobaara pahan liyaa

raat ko roz Duub jaataa hai
chaand ko tairnaa sikhaanaa hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

main Duubaa jaa rahaa huun un sadaaon ke bhanvar mein
mujhe ab chaaron jaanib se pukaaraa jaa rahaa hai

yaaro hudud-e-gham se guzarne lagaa huun main
mujh ko sameT lo ki bikharne lagaa huun main

gham se naazuk zabt-e-gham ki baat hai
ye bhi dariyaa hai magar Thahraa huaa