ek haalat thi miri aur ek haalat dil ki thi — Bilal Ahmad

zamin nai thi anaasir ki khu badalti thi
havaa se pahle jazire pe dhuup chalti thi

ajiib qaid thi jis mein bahut khushi thi mujhe
ab ashk thamte nahin hain ye kyaa rihaa huaa main

hamaari khaak tabarruk samajh ke le jaao
hamaari jaan mohabbat ki lau mein jalti thi

sunaa hai main ne aziyyat maza bhi deti hai
sunaa hai dil ki khalish mein sakun bhi hotaa hai

ek kaanTe ki khaTak se dil miraa aabaad thaa
vo gayaa to dil se mere dard ki raahat gai

ajiib Dhang se taqsim-e-kaar ki us ne
so jis ko dil na diyaa us ko dilrubaai di

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

ruton ke rang badalte hue bhi banjar hai
vo ek khaas ilaaqa jo dil ke andar hai

aankh ko nam kiye baghair dil ko buraa kiye baghair
us ki gali se aa gae ham to sadaa kiye baghair

pareshaan hai bahut is dard se dil
havaa Thahre to kuchh tadbir Thahre

vaqt guzar jaataa hai lekin dil ki ranjish
dil mein baiThi ki baiThi hi rah jaati hai