dair-o-haram pukaarne aae hamein magar — Bushra Bakhtiyar Khan

use kaho ki use bakhsh dungi saaraa jahaan
use kaho ki miri samt ek baar aae

jis ruup mein bhi chaaho ham aa mileinge tum ko
nuur aur khaak tak hai sab silsila hamaaraa

ham manzilon ke baasi kab se bhaTak rahe hain
kab raah par chalegaa ye raasta hamaaraa

main chaahun bhi to zamaana badal nahin sakti
ki 'bushraa' log yahaan jhuuT bolte hain bahut

zulmat ke kaarobaar se fursat nahin mili
jis ko tire dayaar se fursat nahin mili

hamein to saans bhi lene ki fursatein na rahin
kisi ki yaad ke munh-zor silsile hain bahut

jab ki pahlu se yaar uThtaa hai
dard be-ikhtiyaar uThtaa hai

aadmi huun vasf-e-paighambar na maang
mujh se mere dost meraa sar na maang

zindagi jis ne talkh ki meri
vo mujhe zindagi se pyaaraa hai

piine ko yuun to shaikh bhi tayyaar hain magar
kahte hain shart ye hai girah se na zar khule

to kyaa huaa jo janmi thi pardes mein kabhi
beTi hai 'arshiya' bhi to hindostaan ki

abhi to mansab-e-hasti se main haTaa hi nahin
badal gae hain mire doston ke lahje bhi