dil kaa kyaa haal kahun subh ko jab us but ne — Dagh Dehlvi

hazrat-e-'daagh' hai ye kucha-e-qaatil uThiye
jis jagah baiThte hain aap to jam jaate hain

dil hi to hai na aae kyuun dam hi to hai na jaae kyuun
ham ko khudaa jo sabr de tujh saa hasin banaae kyuun

baad muddat ke ye ai 'daagh' samajh mein aayaa
vahi daanaa hai kahaa jis ne na maanaa dil kaa

na ronaa hai tariqe kaa na hansnaa hai saliqe kaa
pareshaani mein koi kaam ji se ho nahin saktaa

sar miraa kaaT ke pachhtaaiyegaa
jhuTi phir kis ki qasam khaaiyegaa

kal tak to aashnaa the magar aaj ghair ho
do din mein ye mizaaj hai aage ki khair ho

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

maani na aaein dark mein ghair-az-vajud-e-lafz
aare dalil-e-raah-e-haqiqat majaaz hai

dil ko phaansaa hai har ik uzv ki tere chhab ne
haath ne paanv ne mukhDe ne dahan ne lab ne

haathon se dil o diida ke aayaa huun nipaT tang
aankhon ko rouun yaa main karun sarzanish-e-dil