baad muddat ke ye ai 'daagh' samajh mein aayaa — Dagh Dehlvi

hazrat-e-'daagh' hai ye kucha-e-qaatil uThiye
jis jagah baiThte hain aap to jam jaate hain

dil hi to hai na aae kyuun dam hi to hai na jaae kyuun
ham ko khudaa jo sabr de tujh saa hasin banaae kyuun

na ronaa hai tariqe kaa na hansnaa hai saliqe kaa
pareshaani mein koi kaam ji se ho nahin saktaa

sar miraa kaaT ke pachhtaaiyegaa
jhuTi phir kis ki qasam khaaiyegaa

mujh gunahgaar ko jo bakhsh diyaa
to jahannam ko kyaa diyaa tu ne

kal tak to aashnaa the magar aaj ghair ho
do din mein ye mizaaj hai aage ki khair ho

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

kitnaa dilkash hai tiri yaad kaa paalaa huaa ashk
sina-e-khaak pe mahtaab giraa ho jaise

tu miri zaat miri ruuh miraa husn-e-kalaam
dekh ab tu na badal gardish-e-dauraan ki tarah

baDe dil-kash hain duniyaa ke kham o pech
nazar mein zulf si lahraa rahi hai

dil bhi sanam-parast nazar bhi sanam-parast
is aashiqi mein khaana hama-aaftaab thaa