khaar-e-hasrat bayaan se niklaa — Dagh Dehlvi

hazrat-e-'daagh' hai ye kucha-e-qaatil uThiye
jis jagah baiThte hain aap to jam jaate hain

dil hi to hai na aae kyuun dam hi to hai na jaae kyuun
ham ko khudaa jo sabr de tujh saa hasin banaae kyuun

baad muddat ke ye ai 'daagh' samajh mein aayaa
vahi daanaa hai kahaa jis ne na maanaa dil kaa

na ronaa hai tariqe kaa na hansnaa hai saliqe kaa
pareshaani mein koi kaam ji se ho nahin saktaa

sar miraa kaaT ke pachhtaaiyegaa
jhuTi phir kis ki qasam khaaiyegaa

kal tak to aashnaa the magar aaj ghair ho
do din mein ye mizaaj hai aage ki khair ho

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

yaad itnaa hai mire lab pe fughaan aai thi
phir khudaa jaane kahaan dil ki ye aavaaz gai

jin se mansub mire dil ki har ik dhaDkan ho
vo na samjhein mire jazbaat to dukh hotaa hai

shab-e-firaaq kuchh aisaa khayaal-e-yaar rahaa
ki raat bhar dil-e-gham-dida be-qaraar rahaa

tum ne jo mere dil ko pareshaan kiyaa hai
ye ghar to tumhaaraa thaa jo viraan kiyaa hai