jo auron ko uDte hue dekhtaa ho — Euphonic Amit

hijr mein shiddat dikhaate hain sabhi 'aashiq magar
lutf tab hai vasl ho par aarzu baaqi rahe

umidon se karo aazaad aur phir
mohabbat ki sanam parvaaz dekho

jo haqiqat se khauf khaane lage
khvaab aise main dekhtaa hi nahin

aap ne jis ko farishte kaa diyaa thaa darja
us ki insaanon si fitrat hai to hairat kyaa hai

mire qalam ki siyaahi mein 'ishq hai teraa
miraa ye naam ye shohrat tiri badaulat hai

naache hai mohabbat ki ye sur taal pe khud hi
dil ko ye hunar yaar sikhaayaa nahin jaataa