bichhaD ke tujh se tiri yaad bhi nahin aai — Faheem Shanas Kazmi

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

kisi ke dil mein utarnaa hai kaar-e-laa-haasil
ki saari dhuup to hai aaftaab se baahar

tumhaari yaad nikalti nahin mire dil se
nasha chhalaktaa nahin hai sharaab se baahar

jin ko chhu kar kitne 'zaidi' apni jaan ganvaa baiThe
mere ahd ki shahnaazon ke jism baDe zahrile the

phir vahi shaam vahi dard vahi apnaa junun
jaane kyaa yaad thi vo jis ko bhulaae gae ham

usi ne chaand ke pahlu mein ik charaagh rakhaa
usi ne dasht ke zarron ko aaftaab kiyaa

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

zindagi ho to kai kaam nikal aate hain
yaad aaungaa kabhi main bhi zarurat mein use

hamaare kamre mein us ki yaadein nahin hain 'faazil'
kahin kitaabein kahin risaale paDe hue hain

main aksar kho saa jaataa huun gali-kuchon ke jangal mein
magar phir bhi tire ghar ki nishaani yaad rakhtaa huun

guzarti hai jo dil par vo kahaani yaad rakhtaa huun
main har gul-rang chehre ko zabaani yaad rakhtaa huun