kise DhunDtaa huun main apne qurb-o-javaar mein — Faizi

zulm kartaa huun zulm sahtaa huun
main kabhi chain se rahaa hi nahin

paD gayaa hai khudaa se kaam mujhe
aur khudaa kaa koi pata hi nahin

main subh khvaab se jaagaa to ye khayaal aayaa
jo raat mere baraabar thaa kyaa huaa us kaa

sochtaa kyaa huun tire baare mein chalte chalte
tu zaraa puchhnaa ye baat Thahar kar mujh se

jaane main kaun thaa logon se bhari duniyaa mein
meri tanhaai ne shishe mein utaaraa hai mujhe

achchhaa hai tu ne in dinon dekhaa nahin mujhe
duniyaa ne tere kaam kaa chhoDaa nahin mujhe

jab ki pahlu se yaar uThtaa hai
dard be-ikhtiyaar uThtaa hai

barseingi aaj rahmatein aamad hai yaar ki
naayaab hain ye ghaDiyaan tire intizaar ki

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

e'tibaar-e-dosti kaa rang huun
be-yaqini mein utar jaaungaa main

yaar thaa gulzaar thaa baad-e-sabaa thi main na thaa
laaeq-e-paabos-e-jaanaan kyaa hinaa thi main na thaa

saudaa-e-ishq aur hai vahshat kuchh aur shai
majnun kaa koi dost fasaana-nigaar thaa