naam tumhaaraa haath pe likhnaa yaad rahaa — Fakhira Batool

aap ki jaanib se aae to uThaa kar rakh liye
pattharon se ghar sajaane kaa kabhi sochaa na thaa

us se bichhaD ke dil kaa huaa hai ajiib haal
paane ki aarzu gai khone kaa Dar gayaa

bahut kaDaa thaa vo lamha judaa hue jis pal
ajab hai phir bhi mire tan mein jaan baaqi hai

mere khvaabon ke jharokon ko sajaate rahiye
na sahi vasl magar yaad to aate rahiye

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

jiinaa taDap taDap kar marnaa sisak sisak kar
fariyaad ek ji hai kyaa kyaa kharaabiyon mein

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

tu aa gayaa hai to ab yaad bhi nahin mujh ko
ye ishq meraa buraa haal karne vaalaa thaa