aap ki jaanib se aae to uThaa kar rakh liye — Fakhira Batool

naam tumhaaraa haath pe likhnaa yaad rahaa
ham us ko taqdir banaanaa bhuul gae

us se bichhaD ke dil kaa huaa hai ajiib haal
paane ki aarzu gai khone kaa Dar gayaa

bahut kaDaa thaa vo lamha judaa hue jis pal
ajab hai phir bhi mire tan mein jaan baaqi hai

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

maango samundaron se na saahil ki bhiik tum
haan fikr o fan ke vaaste gahraai maang lo

jaane vaale jaa khudaa haafiz magar ye soch le
kuchh se kuchh ho jaaegi divaangi tere baghair

main tarah Daalun agar soch kar kahin ghar ki
to aasmaan ho mire haq mein vo zamin ghar ki

kaar-e-din yaa fikr-e-duniyaa kijiye
zindagi thoDi hai kyaa kyaa kijiye