aate hain ayaadat ko to karte hain nasihat — Fani Badayuni

na ibtidaa ki khabar hai na intihaa maalum
rahaa ye vahm ki ham hain so vo bhi kyaa maalum

apni jannat mujhe dikhlaa na sakaa tu vaaiz
kucha-e-yaar mein chal dekh le jannat meri

ham hain us ke khayaal ki tasvir
jis ki tasvir hai khayaal apnaa

rone ke bhi aadaab huaa karte hain 'faani'
ye us ki gali hai teraa gham-khaana nahin hai

mujh tak us mahfil mein phir jaam-e-sharaab aane ko hai
umr-e-rafta palTi aati hai shabaab aane ko hai

yaa-rab tiri rahmat se maayus nahin 'faani'
lekin tiri rahmat ki taakhir ko kyaa kahiye

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

dard chehra pahan ke aayaa thaa
teraa chehra thaa so qubul kiyaa

'mushafi' kyunke chhupe un se miraa dard-e-nihaan
yaar to baat ke andaaz se paa jaate hain

sadaa paan khaa khaa ke nikle hai baahar
zamaane mein khun-khvaar paidaa huaa hai