dil-e-aabaad kaa 'faani' koi mafhum nahin — Fani Badayuni

na ibtidaa ki khabar hai na intihaa maalum
rahaa ye vahm ki ham hain so vo bhi kyaa maalum

apni jannat mujhe dikhlaa na sakaa tu vaaiz
kucha-e-yaar mein chal dekh le jannat meri

ham hain us ke khayaal ki tasvir
jis ki tasvir hai khayaal apnaa

rone ke bhi aadaab huaa karte hain 'faani'
ye us ki gali hai teraa gham-khaana nahin hai

mujh tak us mahfil mein phir jaam-e-sharaab aane ko hai
umr-e-rafta palTi aati hai shabaab aane ko hai

yaa-rab tiri rahmat se maayus nahin 'faani'
lekin tiri rahmat ki taakhir ko kyaa kahiye

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

ishq ik aisi haveli hai ki jis se baahar
koi darvaaza khule aur na daricha nikle

badan malbus mein shoala saa ik larzaan qarin-e-jaan
dil-e-khaashaak bhi shoala huaa jaltaa rahaa main bhi

Thukraao ab ki pyaar karo main nashe mein huun
jo chaaho mere yaar karo main nashe mein huun

maangti hai ab mohabbat apne hone kaa subut
aur main jaataa nahin izhaar ki tafsil mein