dhuup ki sakhti to thi lekin 'faraaz' — Faraz Sultanpuri

ye dil hai dil ise siine mein hargiz
kabhi rakhnaa na tum patthar banaa ke

phulon ki taazgi mein udaasi hai shaam ki
saae ghamon ke itne to gahre kabhi na the

'faraaz' is tarah zindagi hai gizaari
ki goyaa koi haadsa chhoD aae

kahin aisaa na ho main duur khud apne se ho jaaun
meri hasti ke hangaamon mein kuchh tanhaaiyaan rakh do

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

meri saari zindagi ko be-samar us ne kiyaa
umr meri thi magar us ko basar us ne kiyaa

jiinaa taDap taDap kar marnaa sisak sisak kar
fariyaad ek ji hai kyaa kyaa kharaabiyon mein

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

idhar to tuul diyaa hai umiid ko us ne
udhar hayaat ataa ki hai mukhtasar mujh ko