ye dil hai dil ise siine mein hargiz — Faraz Sultanpuri

dhuup ki sakhti to thi lekin 'faraaz'
zindagi mein phir bhi thaa saaya bahut

phulon ki taazgi mein udaasi hai shaam ki
saae ghamon ke itne to gahre kabhi na the

'faraaz' is tarah zindagi hai gizaari
ki goyaa koi haadsa chhoD aae

kahin aisaa na ho main duur khud apne se ho jaaun
meri hasti ke hangaamon mein kuchh tanhaaiyaan rakh do

main baDaa ho gayaa huun magar bachpanaa
mere dil se kabhi bhi gayaa hi nahin

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

'saif' andaaz-e-bayaan rang badal detaa hai
varna duniyaa mein koi baat nai baat nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi

barsaat kaa baadal to divaana hai kyaa jaane
kis raah se bachnaa hai kis chhat ko bhigonaa hai