mire jazbe miri shahaadat hain — Farrukh Zohra Gilani

abhi talak hai sadaa paaniyon pe Thahri hui
agarche Duub chukaa hai pukaarne vaalaa

dayaar-e-fikr-o-hunar ko nikhaarne vaalaa
kahaan gayaa miri duniyaa sanvaarne vaalaa

tum to khud sahraa ki surat bikhre bikhre lagte ho
'farrukh' se 'farrukh' ko socho kaise tum milvaaoge

har shakhs ko fareb-e-nazar ne kiyaa shikaar
har shakhs gum hai gumbad-e-jaan ke hisaar mein

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

ye aansu ponchh lijiye aur muskuraaiye
chaara nahin hai koi bhi rukhsat kiye baghair

husn jalva dikhaa gayaa apnaa
ishq baiThaa rahaa udaas kahin

ye zindagi hai apni kabhi khush kabhi udaas
is kashmakash se mujh ko khudaayaa rihaai de

sunti hai roz naghma-e-zanjir-e-aashiqaan
vo zulf bhi hai silsila-e-ahl-e-chisht mein