sunti rahi main sab ke dukh khaamoshi se — Fatima Hasan

raat dariche tak aa kar ruk jaati hai
band aankhon mein us kaa chehra rahtaa hai

sukun-e-dil ke liye ishq to bahaana thaa
vagarna thak ke kahin to Thahar hi jaanaa thaa

ulajh ke rah gae chehre miri nigaahon mein
kuchh itni tezi se badle the un ki baat ke rang

dikhaai detaa hai jo kuchh kahin vo khvaab na ho
jo sun rahi huun vo dhokaa na ho samaaat kaa

bhuul gai huun kis se meraa naata thaa
aur ye naata kaise TuuTaa bhuul gai

main ne maan kaa libaas jab pahnaa
mujh ko titli ne apne rang diye

main baDaa ho gayaa huun magar bachpanaa
mere dil se kabhi bhi gayaa hi nahin

tu aag mein ai aurat zinda bhi jali barson
saanche mein har ik gham ke chup-chaap Dhali barson

mohabbat soz bhi hai saaz bhi hai
khamoshi bhi hai ye aavaaz bhi hai

lab-e-khaamosh mein hi jaa-e-amaan aaj bhi hai
varna kahne ko to har munh mein zabaan aaj bhi hai

chup-chaap apne yaar ki dahliz par mare
duniyaa kahegi ham bhi kisi chiiz par mare

shahr gum-sum raaste sunsaan ghar khaamosh hain
kyaa balaa utri hai kyuun divaar-o-dar khaamosh hain