bahut dinon mein vo aae hain vasl ki shab hai — Habeeb Moosavi

zabaan par tiraa naam jab aa gayaa
to girte ko dekhaa sambhalte hue

taalib-e-bosa huun main qaasid vo hain khvaahaan-e-jaan
ye zaraa si baat hai milte hi tai ho jaaegi

asal saabit hai vahi shara kaa ik parda hai
daane tasbih ke sab phirte hain zunnaaron par

naaseh ye vaaz-o-pand hai bekaar jaaegaa
ham se bhi baada-kash hain kahin paarsaa hue

tira-bakhti ki balaa se yuun nikalnaa chaahiye
jis tarah suljhaa ke zulfon ko alag shaana huaa

dil mein bhari hai khaak mein milne ki aarzu
khaakistari huaa hai hamaari qabaa kaa rang

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

shor din ko nahin sone detaa
shab ko sannaaTaa jagaa detaa hai

jin se andheri raaton mein jal jaate the diye
kitne hasin log the kyaa jaane kyaa hue

barson se ghumtaa hai isi tarah raat din
lekin zamin milti nahin aasmaan ko

zalzala aayaa to divaaron mein dab jaaungaa
log bhi kahte hain ye ghar bhi Daraataa hai mujhe