tira-bakhti ki balaa se yuun nikalnaa chaahiye — Habeeb Moosavi

dil mein bhari hai khaak mein milne ki aarzu
khaakistari huaa hai hamaari qabaa kaa rang

zabaan par tiraa naam jab aa gayaa
to girte ko dekhaa sambhalte hue

taalib-e-bosa huun main qaasid vo hain khvaahaan-e-jaan
ye zaraa si baat hai milte hi tai ho jaaegi

asal saabit hai vahi shara kaa ik parda hai
daane tasbih ke sab phirte hain zunnaaron par

naaseh ye vaaz-o-pand hai bekaar jaaegaa
ham se bhi baada-kash hain kahin paarsaa hue

bahut dinon mein vo aae hain vasl ki shab hai
moazzin aaj na yaarab uThe azaan ke liye

alag baat hai ye ki tum sun na paae
magar ham ne tum ko pukaaraa bahut hai

use maalum thaa ye shaam-e-judaai hai to bas
aakhiri baar bahut der ikaTThe baiThe

judaai bhi na hoti zindagi bhi sahl ho jaati
jo ham ik dusre se masala tabdil kar lete

meri mazduri ke paise mujhe de do maalik
aaj beTi miri sasuraal se aai hui hai

main judaai kaa muqarrar silsila ho jaaungaa
vo bhi din aaegaa jab khud se judaa ho jaaungaa

tiraa vasl hai mujhe be-khudi tiraa hijr hai mujhe aagahi
tiraa vasl mujh ko firaaq hai tiraa hijr mujh ko visaal hai