dil mein bhari hai khaak mein milne ki aarzu — Habeeb Moosavi

zabaan par tiraa naam jab aa gayaa
to girte ko dekhaa sambhalte hue

taalib-e-bosa huun main qaasid vo hain khvaahaan-e-jaan
ye zaraa si baat hai milte hi tai ho jaaegi

asal saabit hai vahi shara kaa ik parda hai
daane tasbih ke sab phirte hain zunnaaron par

naaseh ye vaaz-o-pand hai bekaar jaaegaa
ham se bhi baada-kash hain kahin paarsaa hue

tira-bakhti ki balaa se yuun nikalnaa chaahiye
jis tarah suljhaa ke zulfon ko alag shaana huaa

bahut dinon mein vo aae hain vasl ki shab hai
moazzin aaj na yaarab uThe azaan ke liye

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

dard ki aanch banaa deti hai dil ko iksir
dard se dil hai agar dard nahin dil bhi nahin

vo jo daagh-e-ishq thaa khush-numaa jo amaanat-e-dil-e-zaar thaa
sar-e-bazm thaa to charaagh thaa sar-e-raah thaa to ghubaar thaa

chand shaair hain jo is shahr mein mil baiThte hain
varna logon mein vo nafrat hai ki dil baiThte hain

hasraton kaa ho gayaa hai is qadar dil mein hujum
saans rasta DhunDhti hai aane jaane ke liye