main nahin jaa paaungaa yaaro su-e-gulzaar abhi — Habib Tanvir

khaar ko to zabaan-e-gul bakhshi
gul ko lekin zabaan-e-khaar hi di

jab ki pahlu se yaar uThtaa hai
dard be-ikhtiyaar uThtaa hai

ab aadmi kuchh aur hamaari nazar mein hai
jab se sunaa hai yaar libaas-e-bashar mein hai

main ab har shakhs se uktaa chukaa huun
faqat kuchh dost hain aur dost bhi kyaa

vo habib ho ki rahbar vo raqib ho ki rahzan
jo dayaar-e-dil se guzre use ham-kalaam kar lo

yaa-rab tiri rahmat se maayus nahin 'faani'
lekin tiri rahmat ki taakhir ko kyaa kahiye

pyaar se dushman ke vo aalam tiraa jaataa rahaa
aise lab chuse ki boson kaa mazaa jaataa rahaa