dil ko jaanaan se 'hasan' samjhaa-bujhaa ke laae the — Hasan Barelvi

dekh aao mariz-e-furqat ko
rasm-e-duniyaa bhi hai savaab bhi hai

jaan agar ho jaan to kyun-kar na ho tujh par nisaar
dil agar ho dil tiri surat pe shaidaa kyuun na ho

ishq mein be-taabiyaan hoti hain lekin ai 'hasan'
jis qadar bechain tum ho us qadar koi na ho

o vasl mein munh chhupaane vaale
ye bhi koi vaqt hai hayaa kaa

kis ke chehre se uTh gayaa parda
jhilmilaae charaagh mahfil ke

gulshan-e-khuld ki kyaa baat hai kyaa kahnaa hai
par hamein tere hi kuche mein paDaa rahnaa hai

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

dil par pahan liyaa hai vo gajre ke jaisaa shakhs
lekin gale kaa haar nahin kar rahaa huun main

yuun ilaaj-e-dil bimaar kiyaa jaaegaa
sharbat-e-did se sarshaar kiyaa jaaegaa

aah ko saaz banaate hain dukhon ki rut mein
dil-shikasta hain par aavaaz sanbhaale hue hain

zehn jab fikr ke hisaar mein thaa
dil kahaan apne ikhtiyaar mein thaa