zindagi bhar dar-o-divaar sajaae jaaein — Hasan Jameel

ye raushni yunhi aaghosh mein nahin aati
charaagh ban ke munDeron pe jalnaa paDtaa hai

kitni be-rang thi duniyaa mire khvaabon ki 'jamil'
us ko dekhaa hai to aankhon mein ujaalaa huaa hai

maalum huaa kaise khizaan aati hai gul par
sikhaa hai bikharnaa tire inkaar se main ne

abhi vo khud ko hi dekhe jaataa hai aaine mein
abhi kisi se use mohabbat nahin hui hai

'hasn-jamil' tiraa ghar agar zamin pe hai
to phir ye kis liye gum aasmaan mein tu hai

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

ye hai khulaasa-e-ilm-e-qalandari ki hayaat
khadang-e-jasta hai lekin kamaan se duur nahin

nai manzil kaa junun tohmat-e-gumraahi hai
paa-shikasta bhi tiri raah mein kahlaayaa huun

abhi sitaaron mein baaqi hai zindagi ki ramaq
kuchh aur der zaraa narm garm chaadar khinch