titliyaan phuul mein kyaa DhunDhti rahti hain sadaa — Hasan Shahnawaz Zaidi

ye sukhe patte nahin zamaane pe tabsire hain
shajar ne likh kar bikher di hain fazaa mein baatein

rahnaa pal pal dhyaan mein
milnaa iid ke iid mein

vo mire kaase mein yaadein chhoD kar yuun chal diyaa
jis tarah alfaaz jaate hon muaani chhoD kar

chehron ko pairon se kuchal kar aage baDh jaanaa
jiit isi ko kahte hain to phir main haar gayaa

''jo bhi aave hai vo nazdik hi baiThe hai tire''
shisha-e-chashm mein kis kis ko utaaraa huaa hai

us ki aankhon mein mohabbat kaa gumaan tak nahin aaj
kaun si aag thi kal jis kaa dhuaan tak nahin aaj

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

husn jalva dikhaa gayaa apnaa
ishq baiThaa rahaa udaas kahin

'bedi' mariz dil kaa huun aur dard kaa safir
mar jaaungaa na us ne agar dekh-bhaal ki

girne vaalaa hai miraa bojh sambhaale koi
apne aansu miri palkon se uThaa le koi