tere khvaabon ke pichhe bhaagi thiin — Haseebul Hasan

hamaare aansu kisi Thikaane to lag rahe hain
furaat ke bad-nasib paani kaa kyaa banegaa

tumhaari aankhon pe nazm kahne se pahle ham ne bhigoi aankhein
sunaa huaa thaa zamin nam ho to achchhi hoti hai kaasht-kaari

ham aise log zaaea ho rahe hain
khudaa chup-chaap dekhe jaa rahaa hai

us ke meaar par khudaa laae
us nazar tak to aa gae hain ham

sitaare dekhne vaale hamein bataate hain
hamaare honT tumhaari jabin ko tarseinge

ye saath gaanv mein ek chhoTaa saa kaam hai bas
miri udaasi udaas mat ho main aa rahaa huun

mere khvaabon ke jharokon ko sajaate rahiye
na sahi vasl magar yaad to aate rahiye

hamaaraa ishq ravaan hai rukaavaTon mein 'zafar'
ye khvaab hai kisi divaar se nahin ruktaa

afsos umr kaT gai ranj-o-malaal mein
dekhaa na khvaab mein bhi jo kuchh thaa khayaal mein

khvaab Thahre the to aankhein bhigne se bach gaiin
varna chehre par to gham ki baarishon kaa aks hai

main ne dekhaa hai bahaaron mein chaman ko jalte
hai koi khvaab ki taabir bataane vaalaa

ye san kar meri nindein uD gai hain
koi meraa bhi sapnaa dekhtaa hai