duaa hi vajh-e-karaamaat thoDi hoti hai — Hijab Abbasi

ham is shahr-e-jafaa-pesha se kuchh ummid kyaa rakkhein
yahaan is haav-hu mein khaamushi ko kaun likkhegaa

hai jab tak dasht-paimaai salaamat
rahegi aabla-paai salaamat

ab bhi barsaat ki raaton mein badan TuTtaa hai
jaag uThti hain ajab khvaahishein angDaai ki

pyaaso raho na dasht mein baarish ke muntazir
maaro zamin pe paanv ki paani nikal paDe

barsaat kaa baadal to divaana hai kyaa jaane
kis raah se bachnaa hai kis chhat ko bhigonaa hai

aae kuchh abr kuchh sharaab aae
is ke baa'd aae jo azaab aae

main to sab kuchh bhuul chukaa huun
tu bhule to baat baraabar

use pataa hai ki rukti nahin hai chhaanv kabhi
to phir vo abr ko kyuun saaebaan samajhtaa hai